لحاديث ن سيدي محمد لمختار السوسي أت إيرحم ربي.

لفقيه سيدي محمد المختار السوسي أت إيرحم ربي

سفلد ماد نيغ

إيكَوت ما يزرين إيدروس ما يسن ربي واحدوت كا أيسن
أيرحم ربي سيدي محمد لمختار السوسي إفكاس لاجر كوتن ف لفايت باهرا إيكَوتن ليد إيفل غ لكتوب لي يورا فأمزرو د تاريخ ن تمازيرت نغ غ سوس أولا لمغريب كولو، د لكتوب ن لفيقه د دين لي يورا إيعمرتن س لفايت أولا إيمحضارن لي دارس إيغران لعيلم سفايدن دارسن ديدن تلكم لباركا ن لعيلمان ميدن كوتنين أيليغ أغد تلكم نكني غ اوزمزاد.. أيكَان لباراكا يان لمحبة ن دين د نبي صلى الله عليه وسلم د لاصحابا دلعولما دلقرآن لعظيم د لحديث ن رسول الله صلى الله عليه وسلم ...
إيفل سيدي محمد لمختار السوسي توكَت لكتوب زوند لمعسول لي إيكَان 20 ن سيفر د خلال جزولة لي إيكَان 4 لاسفار د لكتوب وياض عمرنين س لفايت د لاخبار لعلما د صالحين..
تكَ لفايت ياضنين ليد إيفل أت إيرحم ربي لحاديث لي إيسجل غ ليذاعا ن رباط س تشلحيت إيفاسر كيس لقرآن لعظيم دلحديث ن رسول الله صلى الله عليه وسلم إساول كيس ف لامور لفيقه باش أتن سن ميدن فهمن ديننس دما نيك أسا تعبادن ربي لي تن إيخالقن د مانيك أسا تنعميلن د إينكَاتسن، أيسن إيكَ غيكان تغاراست ما سا لكمن لهنا د سعادا غ دونيت أولا ليخرت، د رضا ن ربي د نبي صلى الله عليه وسلم.
إيسجل سيدي محمد لختار السوسي 90 ن لحقة ن لبرناماج نس لانت غ ليداعا ن رباط أرتند تزراي يادلي غ رمضان، أرتند داغ تزراي ليداعا ن محمد السادس لقران غ أوساناد كرايكَات إيمالاس، بدرن ولي يوران ف تودرت نس إيس تين إيكا ياواس غ ليداع إيمكارت يان اومداكلسن إسنّاياس ما تسكارت غي إيناياس لفقيه سيدي محمد المختار أر تشلحغ لفيقه، إيقصد زعما إس أر إيسكار أشلحي غ لفيقه، باش أتفهمن إيشلحين لي غ إيلا رجا أدسن دين نسن.
ريغ نكين غ لمسيبتاد أد أويغ كرا ن لحديث غ أيسوياسان لي يادلي إيزري أوفيغتن غ لموقع ن وزارة لاوقاف، د لموقع ن لفقيه سيدي عبد الله بنطاهر، إيكَ لغراضا أيسن نسفلد نسفايد نتامل كيزن نسكر ماد كيزن يوشكان، نكتيد سيّداد لي أيساوالن ندعوياس أيت رحم ربي إيفكاس لاجر باهرا باهرا إيكَوتن ف لخيراد ليد إيفل.

لحدايث زوارن ( ف رمضان)


لحاديث ويسين ( ف رمضان أولا نتان)


لحاديث ويس كَراض( ف رمضان أولا نتان)


لحاديث ويس كوز( ف رمضان أولا نتان)


لحاديث ويس سموس ( لفضل ن تزاليت ن ييض غ رمضان)


لحاديث ويس سضيس ( تفسير ن لايت ن لقران: "يا أيها الذين آمنوا اتقوا الله وكونوا مع الصادقين"


لحاديث ويس سا ( زكا ن لفطر)


لحاديث ويس تام ( تفسير ن سورت ن لفيل)


لحاديث ويس تزا ( تفسير ن لحديث ن رسول الله صلى الله عليه وسلم:" الحلال بين والحرام بين..")

-----------------------------------

بعد ما أوريغ لخيراد أسفان نزرا غ لخبار لوزير لوقاف لوستاذ أحمد التوفيق إيفكا أو كَليدنغ محمد السادس أتنصر ربي إيعزوت غ ما يكَران إي درس لحسني لي إيسكر غ لقصر ن تكَلديت غ دار البيضاء أسف لخميس 13 رمضان، يات ترزيفت إيفولكين أست إيكَان د لحاديث لي إيسجل لفقيه سيدي محمد المختار السوسي غ ليداعا ن تكَلديت، كَين دروس أن 60 لحاديث توسجالن فتورقين ن ليزر، يوشكاد غ لبريح لي تسكر لوزارة ن لوقاف:
" س لمسيبتاد إيفكا لوزير لوقاف د شؤون ن ليسلام السيد أحمد التوفيق تسجيل ن دروس ن دين ن العلامة المرحوم محمد المختار السوسي س تشلحيت غ 60 أوسايس، إيناول كَيزن تفسير ن لقران لعظيم، د شرح لحاديت د إيواليوين ن رسول الله صلى الله عليه وسلم، د ما يتروان ف لصحابا نس، د كرا ن لوقايع لي إيجران غ تودرت نس"
غيكاد أر داغ يكا يات تمتار ف لفايت كَوتن لي لان دروس ن العلامة سيدي محمد المختار السوسي، د أتيكَ كَوتن لي لان أيليغ كَان تارزيفت ما يتهدو لوزير إي أوكَليد غ وايوراد أمبركي ن رمضان.
والسلام عليكم ورحمة الله وبركاته.
(تغاراست ن درس لحسني ويس كراض غ توريقت ن لوكالت لاخبار ن لمغرب.)

تيغري لقرآن لعظيم

تَالُّوحْتْ إيكَّْرانْ غ لْمُوصْحَفْ ن وزارة لأوقاف

(يورات طالب ن لمدرست أوزاريف غ ليقليم ن تزنيت أت إيسربح ربي)

سْفَلْدْ مَادْ نِّيغْ:

ديغ يان غ أوسان آد س دار كرا ن إيمدّوكال إينو حاضرغن دارسن فكرا لغراضا، أفغن دارسن يان لموصحف لي تسكر لويزارا لاوقاف غ تمازيرت نغ، آرت سموقولغ إيعجبيي باهرا، لموصحف آد تياران كَيز لاسوار س يان مانيك إيفولكين، أوسيند تيلواح لقران أران كيزنت لاسوار صورن تن كَينين تصاوران غ لموصحافان، كرا يكَات تلوحت يارات يان طالب لقرآن غ تيمزكَاديوين نتمازيرتنغ لمغريب.
إيسكتي ييد غيكان مانيك أستين كان طلبا د لعولما أرسرس أقران لقرآن لعظيم أرت سرس حسّان، أتن كولو إيرحم ربي، إيرحم لهيمّا لي تين دارسن إيكّان، زضيرن أسرس لكمن غيلي أور نزضار نكني أت نلكم واخا دارنغ لان إيماسن جهدنين، ها لكتوب دلقلوم دلحواسيب، دلمطابيع دلمجلات دلجرائيد إيفكا ربي لخير ماش هان لهيمة تدروس بزاف غ أوزمزاد نغ ميدن إيكَلين تيويتن شهوة، قابلن ماد شتهان إيرين أكّا سريحن، ويلي تلماذن رجا نسن إيكَات أد أفين لخدمت طفن لفلوس، أما رجا غ ربي إيدروس باهرا باهرا وانّا يقران أر يقرا إي لفلوس...
أرنت تافات أركَاز مزين تاروانس أر إيسونكَيم ما راد أقران، أر غيتخمم مان لخدمت نغد لحرفت أغ لان لفلوس أسرس كشمن، أور ايسوينكَيم أيمّاغ أد كَين صالحين أمزن دين صلحن غ دونيت أولا ليخرت، باش أيس كَين سباب أينجم غ دار والي ت إيخلقن.
لحاصيل نضالب إي ربي أيغ إيستر غ دونيت ولا ليخرت، إيصلعاغ نكني أولا تاروانغ كولوياغ
والسلام عليكم ورحمة الله وبركاته.

تواليف ن تشلحيت ن سيدي عبد الحميد الصوفي.

بسم الله الرحمان الرحيم، تصاليت نربي سبحانه وتعالى فرسول الله سيدنا محمد نتان د أيدارس أولا لصحابانس إيسلم فلاسن تسليم إيكوتن، أيت ما إيموسلمن لي إيساوالن تاشلحيت، السلام عليكم ورحمة الله، لخير آد إيكا كرا ن إيواليوين لي يادلي نيغ غ يان أولموقار لي تسكر لفرقت لباحثين غ لكلية لآداب ن اوكادير س لمسيبت ن ذكرى ن سيدي عبد الحميد الصوفي غ لموضع ن الزاوية ن إيداوزيكي غ أوسكاس ن 2007 ساولن كيز لاساتيذة ف لفقيه اد د ماد كولو إيفل لفايت د لعيلم.

نكي ساولغ ف لكتوبنس ليد إيفل إيفسر كيزن لفيقه د شرع س واوال ن تشلحيت، زوند لكتاب نس لي مو إيسم تيليلا ف رسالا إيفاسر كيز لكتاب ن رسالة ن ابن أبي زايد القيرواني ليغ إيلا كول ما يتعلقن س دين لخلق زوند تزاليت د وزوم د زكا د لحيج د مانيك أس يتنعميل أموسلم د أيت ماس د بابنس لباري تعالى، غيكلي نيت إيفاسر لكتاب ن لاجوبة ن السيوطي د يات تنظامت ليغ د يوي كولو لاداب لحيجاب نتمغارين د مانيك أس إيخصا أت سكارنتن إيغاسند تيوي لوقت أد خلضنت د إيركازن غ لاسواق د ماكولو إيرواسن غيكان.

إيواليون لي كولو نيغ توسجالن غ لفلام آد لي را تزرم إيغت إينا ربي سبحانه وتعالى، نضالاباس أكيزن إيك لفايت إي ماتن كولو إزران إيفهماغ ماداغ إيصلحن غ دونيت ولا ليخيرت، آمين وصلى الله وسلم على سيدنا محمد وعلى آله وصحبه وسلم.

الطّرْفْ زْوارْنْ:

الطرف ويسين

الطرف إيكَوران